IAEA vil ha tryggleiksavtale med Russland
Sjefen for Det internasjonale atomenergibyrået (IAEA), Rafael Grossi, har i dag besøkt det russisk-okkuperte atomkraftverket i Zaporizjzja.
Kraftverket er Europa sitt største, og har den siste tida ved fleire høve vore kopla av straumnettet. Grossi meiner driftstryggleiken ikkje har blitt betre sidan han besøkte staden i januar.
– Vi må ta alle mogleg steg for å trygge kraftverket mot angrep, sa Grossi og viste til kampane som føregår i nærleiken.
IAEA prøver no å få til ein avtale med Russland om ein tryggleikssone, melder AFP.