Israels president ber regjeringa stoppa rettsreforma umiddelbart
Israels president Isaac Herzog ber regjeringa stansa den omstridde rettsreforma umiddelbart, melder nyheitsbyrået Reuters.
I går samla store folkemengder seg i gatene i Tel Aviv for å demonstrera etter at landets statsminister Benjamin Netanyahu fjerna forsvarsminister Yoav Gallant frå stillinga si etter han kritiserte statsministeren sin rettsreform.
– For samhaldet til det israelske folk si skyld, av ansvarsomsyn, ber eg deg om å stoppa den lovgivande prosessen umiddelbart, skreiv Herzog på Twitter.
Rettsreformen inneberer mellom anna at parlamentet skal kunna overprøva avgjerder frå Høgsterett og at politikarar skal ha større innflytelse over nominasjonar av dommarar til domstolen.