Libyas kystvakt avfyrte varselskot mot norskeigd skip
Det stadfestar Trym Jacobsen, dagleg leiar i reiarlaget Hoyland Offshore til VG.
Kystvakta skal ha avfyrt varselskot mot skipet «Ocean Viking», som er drive av organisasjonen SOS Méditerranée Switzerland.
Jacobsen skildrar situasjonen som ikkje veldig trugande, men at skipet avgjorde å trekke seg ut.
– Kystvakta segla i området rundt båten, og det blei avfyrt skot i lufta, seier han til VG.
«Ocean Viking» er eitt av fleire skip i Middelhavet som bergar båtmigrantar i naud. I januar plukka skipet opp 37 menneske i ein overfylt gummibåt utanfor kysten av Libya.