Fem døde etter eksplosjon på sjokoladefabrikk

Til saman fem personar omkom og seks er sakna etter ein eksplosjon på ein sjokoladefabrikk i Pennsylvania i USA fredag.

Tragedien råka R.M. Palmer Company, som ifylgje eigen nettstad har laga godteri sidan 1948. Fabrikken med 850 tilsette spesialiserer seg på sesong-godteri til påske, halloween og valentinsdagen.

– Fabrikken er nesten heilt jamna med jorda. Bygningen framom, med ei kyrkje og leilegheiter, er flytta meir enn ein meter, seier ordførar Samantha Kaag. (NTB)