Nelson Piquet fekk millionbot for rasisme
Den tidlegare brasilianske Formel 1-meisteren Nelson Piquet må betala kring 10 millionar kroner i erstatning til Formel 1-stjerna Lewis Hamilton. Det har ein brasiliansk domstol avgjort.
I eit intervju i november 2021 nytta Piquet rasistiske uttrykk mot Hamilton, som er den einaste svarte føraren i Formel 1.
Han har seinare bede om orsaking, og hevdar han blei oversett feil.
Piquet er også far til kjærasten til Max Verstappen, som er noverande Formel 1-meister og rival av Lewis Hamilton.