Forbrukarrådet vil ha høgare innskotsrente
Forbrukarrådet ber bankane skru opp innskotsrentene på same måte som dei hevar lånerentene. Dei meiner finansnæringane tener godt når dei aukar gjeldsrentene utan å sette opp innskotsrentene.
– Vi ser at bankane er vesentleg treigare med å sette opp innskotsrenta enn dei er med bustadrenta. Det vil seie at bankane skor seg på norske forbrukarar i dyrtid, og det meiner vi er lite samfunnsansvarleg, seier direktør i Forbrukarrådet Inger Lise Blyverket i ei pressemelding.