15-åring varetektsfengsla for drap på mindreårig gut i Stockholm

Laurdag 28. januar blei ein 15 år gamal gut skoten og drepen på ein restaurant i Skogås i Huddinge, sør i Stockholm.

Ein 15 år gamal gut er nå varetektsfengsla mistenkt for drap, melder Expressen. Guten er ein av 13 gutar under 16 år som er mistenkt for alvorlege brotsverk under ei valdsbølge i den svenske hovudstaden, skriv avisa. 15-åringen nektar straffskyld. Politiet knyttar i tillegg to andre tenåringar, ein 16-åring og ein 17-åring til hendinga. 16-åringen er oppmoda varetektsfengsla mistenkt for å halda tilbake informasjon og å beskytta ein kriminell. Den andre er mistenkt for å ha medverka til drapet.