Glatte vegar fleire stader i landet

Vegane er glatte fleire stader i landet, og folk blir oppfordra til å køyra forsiktig på vegane.

Politiet i Sør-Vest åtvarar mot glatte vegar i heile distriktet. E39 ved Vikeså blei stengt i nordgåande retning på morgonkvisten på søndag på grunn av glatt føre. Vegen er nå open igjen og er strødd.

Ein bil med to personar låg i grøfta på same strekninga ved Helleland. Begge er uskadd, opplyser politiet.

Også på Austlandet blir folk oppfordra til å vera forsiktige i trafikken, etter at det natt til søndag fall mellom fem og ti centimeter snø fleire stader i landsdelen, skriv VG.