Tidlegare president i Pakistan er død

Den tidlgare presidenten i Pakistan Pervez Musharraf er død, melder pakistanske medium.

Musharraf døydde på eit sjukehus i Dubai etter ei lengre tid med sjukdom.

Den tidlegare presidenten tok makta i eit militærkupp i 1999, etter at statsministaren prøvde å avsetta han som forsvarssjef. Han styrde til 2008, og blei i 2019 dømd til døden for høgforæderi av ein pakistansk domstol. Dommen blei seinare annullert.