Ekstreme kuldegrader i nordaustlege USA

Myndigheitene i regionen New England i nordaustlege USA har åtvara mot kuldegrader under -30 grader og avkjølande vind som gjer at temperaturen kan oppfattast som under -40 grader, melder fleire amerikanske medium.

Dei meir enn 20 millionar innbyggjarane i regionen blir råda til å halda seg innandørs fram til temperaturen er venta å stiga igjen søndag, skriv CNN.

På fjellet Mount Washington i delstaten New Hampshire klarte dei ikkje registrera den oppfatta temperaturen fordi instrumentet ikkje var laga for så låge tal, skriv NBC News.

Laurdag kveld er det venta ein snøstorm i delstaten Maine, der 70.000 menneske kan bli ramma. Politiet oppfordrar innbyggjarane til å halda seg vekke frå opne vegar, då ein fort kan mista sikta.