Vil tillata sjukemelding etter digital konsultasjon

Regjeringa vil opna for at legar kan skriva sjukemelding basert på ein elektronisk konsultasjon, skriv Arbeids- og inkluderingsdepartementet i ei pressemelding.

Etter dagens ordinære regelverk må personar med behov for sjukemelding ha ei personleg og fysisk undersøking hos legen.

I lovforslaget som nå blir sendt til Stortinget er det sett opp fire vilkår for å redusera risikoen for at sjukemeldingar blir gitt på feil grunnlag. Dette er at 1) pasienten er kjend for legen, 2) diagnosen til pasienten er kjend for legen, 3) legen kan vurdera arbeidsevna til pasienten utan fysisk undersøking og 4) legen reknar at det er fagleg forsvarleg å gjennomføre konsultasjonen som ein e-konsultasjon.