Næringsministeren avviser straumtak
Arbeidsgivarorganisasjonen Virke krev ein makspris på to kroner for kvar kilowattime straum for bedrifter.
Bak seg har dei 25.000 bedrifter, deriblant mange små, med til saman 300.000 tilsette.
Men ei fastprisordning med tak på 2 kroner per kilowattime blir det ikkje noko av, seier næringsminister Jan Christian Vestre (Ap).
– Ei maksprisordning som Virke no tek til orde for er greia ut mange gongar. Det er eit forslag som alle ekspertane åtvarar mot, seier han.