Hopp til innhold

Nettbutikk kan få milliongebyr

Forbrukartilsynet varslar at dei vil gi nettbutikken Stayclassy ei bot på 1.500.000 kroner, medan dagleg leiar må betale 400.000 kroner, for villeiande marknadsføring.

– Vi meiner Stayclassy villeiar forbrukaren gjennom marknadsføring ved å ikkje opplyse om førprisar og ved å gi inntrykk av at prisen er sett ned, når han ikkje er det, seier direktør Trond Rønningen i Forbrukartilsynet i ei pressemelding.

Dei skriv at selskapet har hatt gode mogelegheiter til å rette opp, utan at det har skjedd.

Stayclassy har frist til 2. januar 2023 til å kommentere varsla overfor tilsynet.

Nyhetstips 03030

Er du der det skjer eller vet noe vi burde vite? Ta kontakt på 915 03030 eller 03030@nrk.no