25 prosent seier ja til brukte gåver

Tal frå Virke viser at nordmenn kjem til å handle for 66 milliardar kroner i desember. Samstundes seier meir enn halvparten at høgare utgifter vil avgrense julefeiringa i år, viser ei fersk undersøking frå Ipsos, gjort på vegner av DNB.

Nesten fire av ti kunne tenke seg ei jul utan gåver. Ein av fire svarer at det er aktuelt å gi brukte julegåver.

– Brukte gåver er ein kjempefin måte å ta vare på både miljøet og lommeboka på i jula, seier Ingjerd Blekeli Spiten i DNB.