30 år sidan den første tekstmeldinga
Laurdag er det 30 år sidan verdas første SMS blei sendt. Ho blei sendt i Storbritannia 3. desember 1992.
Meldinga blei sendt frå ingeniøren Neil Papworth, som brukte ei datamaskin for å sende meldinga til mobiltelefonen til kollegaen Richard Jarvis.
Meldinga var «Merry Christmas».
I dag har meldingsappar og sosiale medium teke over mykje av funksjonen tekstmeldinga hadde, men framleis blir det sendt rundt 200 tekstmeldingar i sekundet gjennom Telenor Norges nett aleine.