EU åtvarar Twitter
EU krev at Twitter må gjere meir for å hindre desinformasjon og følge EUs lovgjeving.
Det kom fram i eit videomøte EUs kommissær for den indre marknaden, Thierry Breton, hadde med Twitters nye eigar, Elon Musk.
Breton sa at Twitter framleis har ein stor jobb å gjere.
– Dei må blant anna implementere transparente brukarvilkår, styrke innhaldsmodereringa merkbart og verne om ytringsfridomen, sa Breton, ifølge Reuters.
Musk og Breton blei samde om å gjennomføre ein «stresstest» i starten av 2023 for å sjå korleis Twitter klarer seg opp mot det europeiske regelverket.