Nedgang i hyttemarknaden

Auka levekostnadar og fleire rentehevingar har ført til mindre aktivitet i den norske hyttemarknaden, ifølge DNB Eiendom.

– Kjøparane er no meir selektive og har god tid. Vi har mista «koronakjøparane» og mange sit på gjerdet på grunn av trongare økonomi, seier Tone C. Krange, som leiar hyttesegmentet i DNB Eiendom, til NTB.

løpet av 2022 blei 26 prosent færre tinglyste hytter og 2570 færre brukte hytter selde gjennom meklar. Den siste månaden blei 74 prosent av hyttene i Noreg selde under prisforslag, mot 58 prosent i fjor.