Venezuela: – Dette er eit stort gjennombrot

Noreg har spelt ei sentral rolle i forhandlingane som no gjer at sanksjonane mot Venezuela blir letta.

– Dette er eit stort gjennombrot. Det som skjedde rett etter at vi var ferdige her i Mexico var at amerikanarane letta på sanksjonar.

Det fortel den norske forhandlingsleiaren, Dag Nylander, til NRK.

Det amerikanske oljeselskapet Chevron får no høve til å igjen å produsere venezueliansk olje.

– Dette er store nyheiter for Venezuela og veldig positivt for befolkninga som er hardt råka, meiner Nylander.

– Korleis har tonen vore i forhandlingane?

– Vi kjenner kvarandre godt og tonen er respektfull. Men forhandlingane er tøffe. Det vanskelegaste er det som ligg foran oss, nemleg forhandlingar om politiske spørsmål.