Forskar vil ha Heimevernet til å vakte kraftanlegg

Forskar Tor Ivar Strømmen ved Sjøkrigsskulen trur beredskapsnivået i Noreg kan bli heva ytterlegare om kort tid etter dei mange meldingane om mistenkjelege dronar over kraftanlegg.

– Då vil me til dømes sjå at me får sperreområde rundt installasjonar. Eg håpar me får Heimevernet på plass. Me vil få ein heilt annan kontroll med kven som går inn og ut på områda, og ikkje minst auka kontroll med varetransport ut og inn. Aktiv bekjemping av dronar er også ei moglegheit viss beredskapsnivået blir heva, seier Strømmen.