Tenåring og to barn drepne i hus utanfor Dublin

Ei 18 år gamal kvinne og eit tvillingpar på åtte år er døde etter eit trippeldrap i eit hus i forstaden Tallaght i Dublin, melder fleire irske og britiske medium.

Alle dei skadde blei tatt med til barnesjukehuset i Crumlin, men blei seinare erklært døde, skriv Sky News.

Politiet fekk melding om hendinga i natt, og skildrar hendinga som valdeleg, utfordrande og traumatisk.

Ein 14 år gamal gut blei tatt med til sjukehus med alvorlege skader. Han er ikkje rekna for å vera i livstrugande tilstand.

Ein mann i tidleg 20-åra blei arrestert på åstaden.

Mora til barna blei også tatt med til sjukehuset, men var ikkje skadd.