Rettssaka etter Nice-terror startar

Rettssaka etter terrorangrepet i Nice i 2016, då ein mann køyrde ein lastebil inn på strandpromenaden og drap 86 menneske, startar måndag.

Åtte personar er tiltalt for på ulikt vis å ha medverka til terroraksjonen på strandpromenaden i Nice, der det var rundt 30.000 menneske denne kvelden.

Mannen som køyrde bilen, tunisiske Mohamed Lahouaiej-Bouhlel blei skoten og drepen av politiet etter den fire minutt lange episoden på den franske nasjonaldagen 14. juli for seks år sidan.

Rettssaka er venta å halda på til midten av desember og er den siste av fleire rettssaker etter terrorangrep som har ramma Frankrike sidan 2015. (NTB/AFP)