Forsvarar: CSIS vil undersøka påstandar om menneskesmugling av britisk skulejente til Syria
Den britiske skulejenta Shamima Begum (23) mista statsborgarskapet sitt i 2020 for å ha slutta seg til IS i Syria som 15-åring.
Nyleg blei påstandar om at ein kanadisk etterretningsmann smugla Begum og hennar to venninner til Syria for å delta i IS lagt fram i boka «The Secret History of the Five Eyes» av Richard Kerbaj.
Advokaten til Begum-familien, Tasnime Akunjee, seier at han har snakka med fleire personar i den kanadiske etterretninga som seier dei er bekymra og sjokkert over organisasjonen si rolle i menneskesmuglinga av Begum, og at dei vil støtta ei etterforsking av saka, skriv The Observer.
I boka hevdar forfattar Kerbaj at både Canada og Storbritannia har vist om påstandane, og at Canada har bede Storbritannia å dekka over rolla etterretningstenesta hadde i bortføringa av Begum.
Canadas statsminister Justin Trudeau har sagt at dei vil følga opp skuldingane, men tok også CSIS i forsvar og sa at han forventa at tenesta følgde kanadiske lover og regler, skriv CBC.