Dagbladet: Lan Marie Berg stiller som ny nestleiar i MDG
Lan Marie Berg bekrefter til Dagbladet at ho stiller som ny nestleiar i Miljøpartiet dei grøne (MDG).
Berg sa tidlegare i dag at ho stiller seg til disposisjon for valkomiteen, men at ho ikkje ville søka å bli leiar i partiet.
Une Bastholm kunngjorde tidlegare i dag at ho trekk seg frå vervet som leiar for MDG for å få meir tid til barna og å vera folkevalt på Stortinget. Noverande nestleiar Arild Hermstad tar over leiarvervet etter Bastholm fram til landsmøtet har bestemt kven som skal overta leiarrolla.