Mange nyetableringar trass energikrise

Det blei registrert 17.275 nye føretak i andre kvartal. Det er ein nedgang på 8 prosent samanlikna med same kvartal i fjor.

Talet er likevel det nest høgaste som er registrert i andre kvartal sidan målingane starta i 2001, ifølge Statistisk sentralbyrå.

Det høge talet på nyetableringar viser at uvanleg høge energiprisar ikkje har lagt noko dempar på etableringslysta blant norske gründarar.