Lågaste sal av nye bustader sidan finanskrisa

Det er bråstopp i sal og bygging av nye bustader i Noreg. Det viser bustadstatistikken for nybygging som blei presentert torsdag.

– Boligprodusentene har ikkje målt lågare sal og igangsetting for juni månad sidan vi starta med månadlege registreringar i 2010, seier administrerande direktør i Boligprodusentene, Lars Joachim Hiim, i ei pressemelding.

Han seier vi må tilbake til finanskrisa i 2008 og 2009 for å finne lågare tal for sal i andre kvartal.