FHI følger med polio-utvikling etter funn i Storbritannia

Etter funn av poliosmitte i kloakken i London, blir alle barn mellom eitt og ni år i byen no tilbydd ein boosterdose av poliovaksinen, skriv Guardian. Også i New York har det vore funn av polio.

I Noreg har det ikkje vore poliosmitte sidan 1969, med unntak av enkelte importerte tilfelle.

– Vi følger likevel godt med sidan polio framleis finst i verda, og også fordi land nærmare oss opplever å finne viruset, skriv avdelingsdirektør i FHI, Are Berg i ein e-post til NRK.

Han legg til at funna i New York og London truleg stammar frå folk som har fått ein type vaksine med eit svekka virus som i sjeldne tilfelle kan spreie seg.

Denne typen vaksinen blir ikkje nytta i Noreg eller i Europa, og tilfella stammar dermed truleg frå andre land, skriv Berg til NRK.

– Det er også viktig å påpeike at dei ikkje har påvist sjukdom, berre viruset, legg Berg til.