Trump ber støttespelarar om pengar

Donald Trump hevdar at FBIs ransaking av bustaden hans i Florida denne veka var politisk motivert. No ber han støttespelarar om pengar, skriv Reuters.

Ransakinga skal ha skjedd i forbindelse med etterforskinga av påstandar om at Trump skal ha teke med seg gradert materiale til eigedommen etter at han gjekk av som president i fjor.

Fleire republikanarar har gjeve støtte til den tidlegare presidenten. Den republikanske leiaren i Senatet, Mitch McConnell, meiner ransakinga var politisk motivert, og krev svar frå justisminister Merrick Garland, skriv BBC.