Handelskrisa mellom Australia og Kina framleis uløyst
Kinas ambassadør til Australia, Xiao Qian, seier banda mellom dei to landa må bli betre før dei kan løyse handelsproblema, melder Reuters.
Kina er Australias største handelspartnar. Men då Australia tok til orde for ei gransking av opphavet til koronapandemien og valde bort Huawei som leverandør for 5G-nettverk, la Kina sanksjonar på australske varer som vin og sjømat.
Ambassadøren seier ifølge nyheitsbyrået at det ikkje har vore offisielle fysiske møter mellom leiarane i dei to landa fordi Kina fryktar det skal forverre forholdet.