Hopp til innhold

Fryktar ny helg med alvorlege trafikkulukker

Siste dag i fellesferien var prega av fleire alvorlege trafikkulukker og lange køar mange stadar.

Også denne helga er det mange som avsluttar ferien, og vi kan vente oss tett med bilar på vegane. Det gir auka risiko for skadar og trafikkulukker, skriv forsikringsselskapet Fremtind i ei pressemelding.

– Vi oppfordrar bilistane til å ta det pent på vegane denne helga. Hugs at høg fart og forbikøyringar kan skape farlege situasjonar for både deg sjølv og medtrafikantar, seier skadeførebyggar Therese Hofstad-Nielsen.

Talet på omkomne i trafikken i 2022 er allereie nesten like høgt som talet på trafikkdrepte i heile fjor.

Nyhetstips 03030

Er du der det skjer eller vet noe vi burde vite? Ta kontakt på 915 03030 eller 03030@nrk.no