Åtvarar mot omreisande arbeidarar som tilbyr handverkstenester

A-krimsenteret i Stavanger rår ifrå folk å kjøpa billige handverkstenester frå omreisande arbeidarar. Dei kjenner til useriøse aktørar i Stavanger-området, skriv dei i ein pressemelding.

Ifølge A-krimsenteret tilbyr arbeidarane måling av hus, spyling av tak og andre vedlikehaldstenester.

– Tilbod frå omreisande handverkarar kan ofte vera svart arbeid. Som forbrukar mister ein rettane sine ved å bruka slike tenester, seier senterleiar for A-krimsenteret i Stavanger, Åslaug Høgemark.

I tillegg er fleire av dei ufaglærte, og det vanskeleg å finna dei igjen om ein er misnøgd med resultatet, seier Høgemark.