Fleire til sjukehus etter frontkollisjon i Verdal

Sju personar og tre bilar er involverte i ein frontkollisjon på E6 i Verdal.

– Alle er sendt til sjukehus, opplyser operasjonsleiar Trond Volden i Trøndelag politidistrikt.

Skadeomfanget kan vere alvorleg, men politiet har ikkje fått endeleg tilbakemelding frå helsevesenet.

E6 var stengt, men har no opna att. Politiet melde om ulukka kl. 15.20.