FN fordømmer kjøpesenter-angrepet i Ukraina
Minst elleve personar blei drepne då kjøpesenter i Krementsjuk, sentralt i Ukraina, blei treft av russiske missil. Det opplyser guvernør Dmitro Lunin ifølge Reuters. Han fryktar at talet på drepne kjem til å stige.
Minst 1000 personar skal ha vore i senteret då det blei treft, og minst 40 er såra. FN fordømmer angrepet.
– Det er mildt sagt beklageleg. Ein kvar form for sivil infrastruktur, som openbert inkluderer kjøpesenter, og sivile bør aldri vere målet, seier talsperson Stephane Dujarric.
