FNs menneskerettssjef tok opp uiguranes kår med Kina
FNs høgkommisær for menneskerettar, Michelle Bachelet, seier ho tok opp oppsplitting av uigurfamiliar med styresmaktene i Xinjiang-provinsen i Kina.
– Vi veit det er mange som søker informasjon om korleis det har gått med andre i familien. Dette og andre tema blei drøfta med styresmaktene, seier ho ifølge AFP.
Ho seier styresmaktene har forsikra henne om at sentra for såkalla omskolering av den muslimske minoriteten i provinsen, som av menneskerettsorganisasjonar blir karakterisert som arbeidsleirar, er avvikla.
Bachelet har vore i Kina denne veka, og har fått kritikk frå enkelte som meiner ho blir brukt i kinesisk propaganda. Dette har ho avvist, og seier at ho meiner det er viktig å ha ein god dialog med dei kinesiske styresmaktene.