Auke i talet på migrantar som har teke seg ulovleg inn i EU

Talet på migrantar som har kome seg til EU utan godkjende dokument i første kvartal, var det høgaste sidan 2016, ifølge grensestyresmaktene til EU.

Frontex reknar med at det er gjort 40.300 «ulovlege kryssingar» av yttergrensa til EU dei tre første månadane i år. Det er ein auke på 57 prosent samanlikna med same periode i fjor, og omfattar ikkje flyktningar frå krigen i Ukraina.