Navalnyj oppfordrar til kampanje i sosiale medium

Den russiske opposisjonsleiaren Alexej Navalnyj oppfordrar Vesten til å starte ein stor kampanje for å få fram fakta om krigen til det russiske folk.

– Vi treng annonsar. Mange annonsar. Ein enorm nasjonal anti-krigskampanje som skal starte med ein reklamekampanje, tvitrar Navalnyj.

Han ber mellom andre USAs president Joe Biden og Storbritannias statsminister Boris Johnson om å «snarast finne ei løysing for å knuse Putins propaganda ved å bruke sosiale medium si reklamekraft», skriv CNN.

I ei rekke Twitter-meldingar viser Navalnyj til at 85 prosent av det russiske folk framleis bruker YouTube, Instagram, WhatsApp, Google og Facebook.