Tyskland stoppar Nord Stream 2

Tyskland kan ikkje gå vidare med gassrøyrleidninga Nord Stream 2 etter den russiske anerkjenninga av dei opprørskontrollerte områda i Aust-Ukraina. Det seier forbundskanslar Olaf Scholz, ifølge Reuters. Gassrøyrleidninga skal frakte gass frå Russland til Tyskland via Austersjøen. Leidninga er ferdigbygd, men Tyskland stoppa godkjenninga i midten av november. USA og fleire austeuropeiske land har vore kritiske til prosjektet av politiske årsaker.