Ber kommunar bu seg på cyberangrep
Regjeringa ber kommunane ta faren for cyberangrep på alvor. Digital utpressing er ein av tinga Justis- og beredskapsdepartementet meiner kan kome.
– For oss er det viktig at kommunane kan stå betre rusta til å førebyggje og handtere digitale angrep som kan få store konsekvensar for innbyggarane, seier justis- og beredskapsminister Emilie Enger Mehl (Sp) til NTB.
Ho seier dei fleste cyberangrep kunne vore unngått.