Endrar opptakskrava

Frå våren av endrar regjeringa opptakskrava til lærarutdanninga slik at det blir to opptakskrav til utdanninga. Målet er fleire kvalifiserte søkjarar.

For å komme inn på lærarutdanninga til våren må søkjarar ha minst 40 skulepoeng og karakteren 3 i matte, slik regjeringa bestemde i haust, eller minst 30 skulepoeng og karakteren 4 i matte.

Det opplyser regjeringa i ei pressemelding.

– Med denne endringa femnar opptakskrava breiare og gir fleire kvalifiserte søkjarar. Vi skal framleis stille høge krav til dei framtidige lærarane våre, men utan å stengje ute søkjarar som har høge karaktersnitt og har styrken i andre fag enn matematikk, seier forskings- og høgare utdanningsminister Ola Borten Moe (Sp).

Kravet om karakteren 4 i matte for å komme inn på lærarutdanninga, vart innført av Solberg-regjeringa i 2016 og skrota av den nye regjeringa i Hurdalsplattforma.

(NTB / NPK)