Avlyser alle førpremierane – bortsett frå ein
Skaparane bak filmen Kampen om Narvik ser seg nøydde til å avlyse alle førpremierane grunna det aukande smittetrykket, melder Nordisk Film i ei pressemelding.
Det gjeld også den planlagde verdspremieren i Narvik førstkommande laurdag og festpremieren i Oslo 17. desember.
Likevel er det ei premiere som får halde fram. Det er den minste av premierane, som er ei lukka visning i Selbu i morgon ettermiddag for den snart 103 år gamle Narvik-veteranen Eystein Røset og hans næraste familie.
Han tenestegjorde i 6. divisjon Trønderbataljonen og er den siste attlevande soldaten som slåst i Narvik.