WHO fryktar ny runde med vaksinehamstring
Verdshelseorganisasjonen (WHO) seier det framleis er usikkert om oppfriskingsdosar hjelper mot omikronvarianten, og åtvarar rike land mot å hamstre vaksinar, skriv NTB.
– Medan vi no er på veg inn i kva enn omikronsituasjonen viser seg å vere, er det ein risiko for at den globale forsyninga av vaksinar igjen vil gå til høginntektsland som hamstrar for å verne befolkninga si, på ein måte som er i overkant, seier WHOs vaksinesjef Kate O'Brien torsdag.
Utsegna hennar kjem etter at vaksineprodusenten Pfizer har hevda at tre dosar med vaksinen deira òg vil verne mot omikronvarianten.