Bystyret i Oslo avlyser fysisk møte

Forretningsutvalet i Oslos bystyre har måndag bestemt at behandlinga av Oslo-budsjettet for 2022 vil skje i eit digitalt møte.

Det er smittesituasjonen i Oslo som gjer at bystyremøtet onsdag, der budsjettet for neste år skal behandlast, blir digitalt. Det skriv Vårt Oslo.

Truleg får berre gruppeleiarane i bystyret opphalde seg fysisk i Rådhuset. Resten av dei 59 bystyremedlemmene vil sitje heime eller på eige kontor, og votering, innlegg og spørsmål skjer digitalt.

(NTB)