Ventar på dykkarar

Redningshundar har markert ved vatnet i elva, og no ventar politiet på dykkarar for å undersøke dette nærmare.

Det opplyser politiets innsatsleiar Svein Valland Laupsa på ein pressekonferanse.

Det er i løpet av dagen gjort funn av ein båt, to årer og klesplagg i elva. Tre personar er framleis sakna.

Laupsa seier dei vil skalere ned leiteressursane når det etter kvart blir mørkt.

17 redningshundar bistår i søket, opplyser Norske Redningshunder på Twitter.