Matprisane kan auke

Daglegvareprodusentane sine råvareprisar har steget med opp mot 70 prosent. No kan matprisane auke betydeleg, varslar fleire selskap. Orkla-sjef Jaan Ivar Semlitsch seier til DN at det blir prisauking frå selskapet. Han seier at sukker har stege med opp mot 40 prosent, vegetabilsk olje opp mot 60 prosent, og transporten frå Kina er ti gangar så dyr.

Også Agra varslar høgare prisar. Dei eig Mills, og står bak Melange og Delikat. – Det er vanskeleg å sjå at dette ikkje vil føre til høgare prisar ut. Det er eit bredt bilete av uvanleg høge prisaukingar, seier konsernsjef Knut K. Heje.