Lege saksøkt for å ha utført abort
Ein lege i Texas i USA har blitt saksøkt for å ha utført ein abort for ei kvinne som var meir enn seks veker gravid.
Legen, Alan Braid, innrømma å ha utført aborten, og seier han forstod det kunne få juridiske konsekvensar.
– Eg gjorde det fordi eg hadde ei omsorgsplikt overfor denne pasienten, som eg har for alle pasientar, og fordi ho har ein grunnleggande rett til å få denne omsorga, seier Braid ifølge CNN.
Delstaten Texas har no USAs strengaste abortlov. Grensa er sett til sjette veke, eit tidspunkt der mange kvinner ikkje har oppdaga at dei er gravide. Fleire meiner dette søksmålet er ein test på kor sterk den nye lova er i praksis.
