Overført frå Afghanistan til Noreg
Afghanske tilsette som har jobba for Forsvaret i Afghanistan, blei overført til Noreg saman med familiane sine måndag, opplyser regjeringa. Det er totalt seks familiar som har blitt tildelt busetjingskommunar. – Vi vil ta vare på lokalt tilsette som har jobba for norske sivile eller militære myndigheiter og som av den grunn kan få ein utsett sikkerheitssituasjon, seier forsvarsminister Frank Bakke-Jensen. Dei lokalt tilsette reknast på kvoten for overføringsflyktningar. Overføringa er ein del av Natos pågåande uttrekking frå Afghanistan.