Smittetala i Russland dobla

For andre dag på rad melder Moskva om ny smitterekord. Pasientar som er smitta med deltavarianten, strøymer til sjukehusa i den russiske hovudstaden. På landsbasis rapporterte Russland laurdag om 17.906 nye smittetilfelle. Talet er dobbelt så høgt som døgntalet i starten av juni.

Over halvparten av dei nye smittetilfella er registrerte i Moskva. Deltavarianten utgjer 90 prosent av nye tilfelle, melder myndigheitene. Ifølgje helseminister Mikhail Murasjko har talet på sjukehusinleggingar auka med 30 prosent på berre ei veke.