Må betale tilbake millionlønn

Tidlegare toppsjef i Nissan og styreleiar i Mitsubishi, Carlos Ghosn, må betale tilbake rundt 50 millionar kroner i lønn, fastslår ein nederlandsk domstol.

Pengane han må betale tilbake er utbetalt av det nederlandske holdingselskapet til bilprodusentane.

Ghosn blei arrestert i Japan i november 2018, sikta for skattefusk og misbruk av Nissans pengar. I desember rømte han til Libanon. Han er etterlyst internasjonalt.