Vil tilby vaksine til vaksne i juni
Frå og med 7. juni vil alle vaksne tyskarar som har lyst på koronavaksine, få tilbod om det, varslar helseministeren i Tyskland, Jens Spahn.
Han fekk kraftig kritikk i starten av 2021 fordi den tyske vaksineringa kom treigt i gang. Måndag kom han med ei gladmelding til tyskarar som drøymer om eit friare liv.
– Me har blitt samde om å gå vekk frå prioriteringssystemet 7. juni, seier Spahn etter eit møte med Tyskland sine 16 regionale helseministrar.