Skredramma kan få 125 mill. ekstra

Regjeringa foreslår å gi Gjerdrum, som i romjula vart ramma av eit stort jordskred som kravde ti menneskeliv, 125 millionar kroner meir.

Beløpet skal kompensere kommunen for meirkostnader i samband med skredet.

– Gjerdrum kommune står i ein vanskeleg situasjon, og det skulle berre mangle at staten stiller opp. No foreslår vi at kommunen får 125 millionar kroner for å dekkje kostnader dei har hatt som følgje av skredet, seier kommunalminister Nikolai Astrup (H).