Utvida koronastøtte i Sverige
Koronastøtta til svensk næringsliv blir utvida til å gjelde lønnskostnader.
– Vi kjem til å auke takta for å redde svenske arbeidsplassar, sa finansminister Magdalena Andersson på eit pressemøte tysdag.
Ho seier at den svenske regjeringa fryktar for situasjonen i den svenske arbeidsmarknaden dersom det skulle kome ei tredje bølgje.
Det er innført fleire støtteordningar for å hjelpe kriseramma verksemder i Sverige.